Izraeli ka njoftuar se do të ndalojë përkohësisht dërgesat humanitare të koordinuara nga UNICEF drejt Rripit të Gazës që vijnë nga Egjipti, duke e justifikuar vendimin me zbulimin e një tentative të dyshuar kontrabande.
Sipas një deklarate të COGAT, autoritetet izraelite kanë ndaluar në pikën kufitare Kerem Shalom një dërgesë ndihmash ku u gjetën produkte duhani dhe nikotine të fshehura mes furnizimeve humanitare.
Autoritetet izraelite kanë informuar drejtuesit e UNICEF për pezullimin e përkohshëm të këtyre dërgesave, duke theksuar se masa do të mbetet në fuqi deri në përfundimin e një hetimi të plotë dhe dhënien e një përgjigjeje zyrtare nga agjencia.
