Ministri izraelit i Mbrojtjes, Israel Katz, deklaroi se avancimi i Forcave të Mbrojtjes së Izraelit (IDF) në jug të Libanit synon të parandalojë “zjarrin e drejtpërdrejtë” ndaj komuniteteve izraelite pranë kufirit.
“Për të parandaluar mundësinë e sulmeve të drejtpërdrejta kundër komuniteteve izraelite, kryeministri Benyamin Netanyahu dhe unë kemi autorizuar IDF-në të avancojë dhe të mbajë territor shtesë dominues në Liban, si dhe prej andej të mbrojë komunitetet kufitare”, u shpreh Katz.
Ai shtoi se IDF-ja vazhdon operacionet kundër objektivave të Hezbollah në territorin libanez. “Organizata terroriste po paguan dhe do të paguajë një çmim të lartë për zjarrin kundër Izraelit”, theksoi ministri izraelit i Mbrojtjes.
