Komanda ushtarake e Iranit, Garda Revolucionare, deklaroi sot se bota duhet të jetë e përgatitur për mundësinë që çmimet e naftës të arrijnë në 200 dollarë për fuçi, ndërsa tre anije të tjera u sulmuan në Gjirin Persik dhe Ngushticën e Hormuzit të bllokuar.
Irani hapi zjarr ndaj Izraelit dhe objektivave në të gjithë Lindjen e Mesme të mërkurën, duke demonstruar se ende mund të kundërsulmojë dhe të ndërpresë furnizimet me energji pavarësisht sulmeve më intensive SHBA-Izrael deri më sot.
Irani do të kalojë nga “goditjet e ndërsjella” në sulme të vazhdueshme ndaj rivalëve të tij dhe SHBA-të nuk do të jenë në gjendje të kontrollojnë çmimet e naftës, tha sot zëdhënësi i Gardës Revolucionare të Iranit.
“Nuk do të lejojmë që as edhe një litër naftë të arrijë në SHBA, sionistët (Izraelin) dhe bashkëpunëtorët e tyre. Çdo anije ose cisternë e destinuar për ta do të jetë një objektiv legjitim”, theksoi Ebrahim Zolfaqari.
