Trupat britanike u sulmuan nga dronë iranianë në një bazë ushtarake në Irak, kanë zbuluar zyrtarët britanikë të mbrojtjes. Njësitë e mbrojtjes ajrore të Mbretërisë së Bashkuar rrëzuan dy dronë, por të tjerë arritën t’i shmangen mbrojtjes dhe të godisnin bazën ajrore në Erbil, në Irakun verior, të mërkurën në mbrëmje.
Ky është sulmi i tretë i regjistruar kundër forcave britanike kohët e fundit. I parapriu një sulm me dron në bazën RAF në Akrotiri të Qipros, ndërsa një raketë ra disa qindra metra larg ushtarëve britanikë në Bahrein.
Sekretari i Mbrojtjes i Britanisë, John Healy, tha se Rusia po e ndihmon Iranin të përmirësojë taktikat e tij të dronëve, të cilat zyrtarët ushtarakë paralajmërojnë se po i bëjnë sulmet gjithnjë e më të vështira për t’u kundërshtuar. “Askush nuk do të habitej nëse besonte se dora e Vladimir Putinit është pas disa prej taktikave iraniane dhe, ndoshta, pas disa prej aftësive të tyre”, tha Sekretari Britanik i Mbrojtjes.
