Një gjykatë në Britaninë e Madhe ka dëgjuar prova sipas të cilave transmetuesi publik britanik BBC dyshohet se ka “mashtruar” audiencën gjatë raportimit për luftën në Rripin e Gazës.
Provat u paraqitën në kuadër të një çështjeje që po shqyrtohet nga një tribunal britanik për çështjet e punësimit. Në këtë proces, pesë gazetarë me origjinë arabe akuzojnë BBC-në për diskriminim dhe për shkarkim të padrejtë nga puna.
Sipas padisë, katër prej tyre u pushuan nga puna pasi refuzuan praktika që i cilësuan si raciste dhe diskriminuese brenda shërbimit BBC Arabic.
