Flotilja ka hyrë në zonën e rrezikut, vetëm 75 milje detare larg Gazës, ku është shpallur “gjendja e emergjencës”. Nga bordet e anijeve raportohet se “12 barka të paidentifikuara po afrohen ngadalë”. Deputeti italian Arturo Scotto, i cili ndodhet në bordin e anijes Karma, tha se avionë luftarakë britanikë janë ngritur në fluturim nga Qipro. Ndërkohë, ministri i Jashtëm izraelit, Gideon Sàar, u ka bërë një apel të fundit aktivistëve: “Nuk është vonë, ndaloni dhe dorëzoni ndihmat”.
“ Aktivistët e Flotiljes kanë dalë të gjithë në kuvertë dhe kanë veshur jelekët e shpëtimit. Udhëzimi është që të mos reagojmë”, deklaroi Yassine Lafram, president i Ucoii – Unioni i Komuniteteve Islame Italiane, që ndodhet në bord së bashku me dy deputetë italianë.
“Përballë kemi nga dhjetë deri në pesëmbëdhjetë anije që po afrohen. Ne nuk do të reagojmë ndaj asnjë veprimi të mundshëm nga ushtarët izraelitë, duke mbetur besnikë ndaj misionit tonë paqësor, humanitar dhe jo të dhunshëm. Shpresa jonë është të zgjojmë ndërgjegjet për atë që po ndodh në Gaza. Flotilja është vetëm një mjet për të hapur korridoret humanitare,” shtoi Lafram.
