Një incident i pazakontë ndodhi në aeroportin e Këln/Bonn, ku dy pasagjerë, të cilët kishin humbur thirrjen për imbarkim, tentuan të kapnin një avion duke thyer barrierat e sigurisë dhe duke vrapuar drejt pistës.
Pamjet e shpërndara në rrjetet sociale tregojnë dy burra që vrapojnë drejt një avioni të linjës Wizz Air, i cili po nisej drejt Bukureshtit, duke përpiqur t’i bëjnë shenjë pilotit për të ndaluar.
Autoritetet thanë se pasagjerët kishin shtypur xhamin e butonit emergjent dhe kishin hapur me forcë një derë sigurie që të çonte në pistë. Në video duket një punonjës i aeroportit që iu afrohet për t’i ndaluar.
Sipas zyrtarëve, avioni Airbus kishte nisur lëvizjen drejt pistës së ngritjes kur të dy burrat ndërmorën këtë veprim të rrezikshëm. Ata u ndaluan nga stafi dhe iu dorëzuan policisë federale. Kundër tyre janë ngritur akuza për hyrje të paligjshme dhe shkelje të ligjit të sigurisë ajrore.
Aeroporti njoftoi se siguria e aviacionit nuk u rrezikua dhe operacionet e fluturimeve vazhduan normalisht. Fluturimi i Wizz Air u vonua për shkak të incidentit, por arriti në Bukuresht pak para orarit të parashikuar.
