Pas Britanisë së Madhe, Kandaja dhe Australia janë dy shtetet e tjera që njohin zyrtarisht shtetin e Palestinës.
Në një postim në rrjetin social X, kryeministri kanadez, Mark Carney ka deklaruar se që nga sot, “Kanadaja njeh Shtetin e Palestinës dhe ofron partneritetin tonë në ndërtimin e premtimit të një të ardhmeje paqësore si për Shtetin e Palestinës ashtu edhe për Shtetin e Izraelit.”
Australia gjithshtu ka ndjekur vendimin e Kanadasë për të njohur Palestinën si shtet sovran, shkruan kryeministri Anthony Albanese.
Ai thotë se kjo është pjesë e një përpjekjeje të përbashkët së bashku me Kanadanë dhe Britaninë dhe do të formojë “një përpjekje ndërkombëtare për një zgjidhje me dy shtete”.
Më herët të njejtin vendim ka marrë edhe Britania e Madhe. Keir Starmer ka njoftuar njohjen e shtetit palestinez nga Mbretëria e Bashkuar.
“Sot, për të ringjallur shpresën e paqes për palestinezët dhe izraelitët, dhe një zgjidhje me dy shtete, Mbretëria e Bashkuar njeh zyrtarisht Shtetin e Palestinës”, thotë ai.
Si Kanadaja ashtu edhe Australia kishin shprehur më parë qëllimet e tyre për të njohur zyrtarisht një shtet palestinez në Asamblenë e Përgjithshme të OKB-së në Nju Jork këtë javë.
