Bashkëthemeluesi i Microsoft, Bill Gates, ka pranuar para fondacionit të tij bamirës se është takuar me financierin e dënuar për krime seksuale Jeffrey Epstein, si dhe ka konfirmuar lidhje me dy gra ruse, duke kërkuar ndjesë për vendimet e tij.
Gates theksoi se nuk ka kryer asnjë veprim të paligjshëm. Ai pranoi se u takua me Epstein në vitin 2011, tre vite pasi ky i fundit ishte dënuar, duke shtuar se nuk e kishte verifikuar siç duhet të kaluarën e tij.
Sipas raportimeve, kontaktet mes tyre vazhduan deri të paktën në vitin 2014 dhe miliarderi ka pranuar se kaloi kohë me Epstein jashtë SHBA-së, por mohoi të ketë vizituar ishullin Little Saint James. Emri i Gates përmendet në dokumentet e publikuara lidhur me çështjen, megjithatë ai nuk është akuzuar nga asnjë viktimë.
Ish-bashkëshortja e tij, Melinda French Gates, ka deklaruar më herët se të gjithë të përfshirët në çështjen Epstein duhet të mbajnë përgjegjësi. Çifti u divorcua në vitin 2021.
