Ish-Presidenti i Shtetet e Bashkuara të Amerikës, Bill Clinton, ka dëshmuar para Komitetit Mbikëqyrës të Dhomës së Përfaqësuesve lidhur me hetimet për Jeffrey Epstein, duke theksuar se nuk kishte dijeni për veprimet kriminale të tij dhe se nuk kishte perceptuar ndonjë aktivitet të paligjshëm gjatë kontakteve të kufizuara me Epstein.
Në deklaratën e tij hapëse, Clinton shpjegoi se kishte ardhur për dy arsye: respekt për sundimin e ligjit dhe parimin se askush nuk është mbi ligjin, si dhe për të kontribuar në administrimin e drejtësisë dhe mbështetjen e viktimave të Epstein. Ai vuri në dukje se njohja e tij me Epstein kishte përfunduar vite para se të zbulohej aktiviteti kriminal dhe gjatë kontakteve të tyre nuk kishte parë ose mësuar ndonjë gjë të dyshimtë.
Ish-presidenti reagoi edhe ndaj thirrjes për hetim të bashkëshortes së tij, Hillary Clinton, duke theksuar se nuk kishte marrëdhënie me Epstein, nuk kishte udhëtuar me të dhe nuk kishte vizituar pronat e tij, duke e cilësuar përfshirjen e saj në hetim si të gabuar. Ai gjithashtu i referohet fotove publike, duke deklaruar se “e di çfarë pa dhe çfarë nuk pa” dhe se “nuk bëri asgjë të papranueshme”.
Clinton shtoi se, nëse do të kishte pasur dyshim për veprimet e Epstein, ai do të kishte ndërmarrë veprime për ta denoncuar dhe për të siguruar drejtësi. Ai përmendi se shpesh përgjigjet “Nuk më kujtohet” për ngjarje të ndodhura dekada më parë, duke shmangur spekulimet nën betimin ligjor.
Në përfundim, ish-presidenti deklaroi se është i gatshëm t’i përgjigjet çdo pyetjeje të Komisionit, qoftë ligjore, e arsyeshme apo edhe ekstreme.
