Ambasadori i Izraelit në Shtetet e Bashkuara, Yechiel Leiter, ka premtuar hakmarrje pas dy sulmeve me raketa iraniane ndaj qyteteve izraelite Dimona dhe Arad.
“Përgjigjja do të jetë vazhdimi i kësaj fushate derisa ta sjellim këtë regjim në gjunjë”, tha Leiter në një intervistë për CNN. “Ne nuk mund të jetojmë më me një vend që është armiqësor, që ka qëllim të na shkatërrojë – që deklaron vazhdimisht se do të na shkatërrojë dhe tani po lëshon raketa balistike ndaj të gjithë fqinjëve të tij.”
I pyetur se si shpjegohen këto sulme në dritën e deklaratave të Presidentit amerikan Donald Trump dhe Kryeministrit izraelit Benjamin Netanyahu, të cilët kanë thënë se kapacitetet raketore të Iranit janë shkatërruar, Leiter ia ktheu përgjigjen Iranit.
“Iranianët gënjejnë… këta janë vrasës që gënjejnë,” tha ai. “Ata thanë se nuk kanë raketa balistike ndërkontinentale. Epo, tani provuan se i kanë.”
